‌هۆشداری‌ له‌ جۆره‌ دراوێكی‌ 5 هه‌زار دیناری‌ ده‌درێت
PM:10:53:11/01/2017

وێستگه‌ نیوز –
نووسینگه‌یه‌كی‌ ئاڵوگۆڕی‌ دراوه‌كان له‌ شاری‌ سلێمانی‌ هۆشداری‌ ده‌داته‌ هاوڵاتیان ده‌رباره‌ی‌ دراوێكی‌ جۆری‌ 5 هه‌زار دیناری‌ كه‌ به‌وته‌ی‌ ئه‌و پێی‌ ده‌ڵێن "دراوی‌ داعش".

ره‌وه‌ز ئامانج له‌ نووسینگه‌ی‌ میرزا بۆ ئاڵوگۆری‌ دراوه‌كان له‌ شاری‌ سلێمانی‌ به‌ وێستگه‌ نیوزی‌ راگه‌یاند كه‌ "له‌ئێستادا و له‌ دوای كۆنترۆڵكردنه‌وه‌ی چه‌ند گه‌ڕه‌كێكی‌ شاری‌ موسڵ‌، به‌شێكی زۆر دراوی پێنج هه‌زاری (٥٠٠٠) كه‌ پێی ده‌وترێت "دراوی‌ داعش" كه‌وتووه‌ بازاڕه‌كانه‌وه‌.

ره‌وه‌ز ئامانج وتی‌: "له‌سه‌ر دراوه‌كه‌ وه‌ك نیشانه‌یه‌ك 4 كونی تێ كراوه‌، به‌ڵام به‌ دراوی 250 دیناری‌ چاك كراوه‌ته‌وه‌ و تێكه‌ڵ به‌ پاره‌ی تر كراوه‌".

وتیشی‌: "دراوه‌كه‌ له‌ هه‌ردوو شاری سلێمانی و هه‌ولێر بڵاو بۆته‌وه‌ و له‌ بازاڕه‌كاندا گرفتێكی گه‌وره‌ی بۆ دوكاندارانی ئاڵوگۆڕی دراو دروست كردووه‌ به‌هۆی‌ ئه‌وه‌ی‌ مامه‌ڵه‌ به‌و جۆره‌ دراوه‌ ناكرێت".

 ئاماژه‌شی‌ به‌وه‌دا كه‌ "دراوه‌كه‌ بڕێكی‌ زۆری‌ لێخراوه‌ته‌ بازاڕه‌وه‌ و له‌ ئێستادا له‌ كاتی‌ مامه‌ڵه‌كردن به‌ دراوی‌ جۆری‌ پێنج هه‌زارییه‌وه‌ ده‌بێت سه‌ره‌ڕای‌ بژاردن دانه‌ دانه‌ سه‌یری‌ بكه‌یت و جیای‌ بكه‌یته‌وه‌".

 ره‌وه‌ز ئامانج ئه‌وه‌شی‌ خسته‌ڕوو كه‌ ئه‌و جۆره‌ دراوه‌ ئامێری‌ پاره‌بژاردنیش ئاشكرای‌ ناكات چونكه‌ به‌ دراوی‌ 250 دیناری‌ ئه‌سڵی‌ چاككراوه‌ته‌وه‌.




ئه‌م بابه‌ته 10931 جار خوێنراوه‌ته‌وه‌‌


زۆرترین خوێندراو
هەواڵی زیاتر

Copyright 2016. westga.net. All Rights Reserved.